Жоан Лапорта ноябрда Негрейра иши бўйича кўрсатма беради.
Эслатиб ўтамиз, 2023 йилда "Барселона" ва унинг раҳбарияти Испания Қироллик футбол федерациясида (RFEF) ишлаган Ҳакамлар техник қўмитаси (CTA) собиқ вице-президенти Хосе Мария Энрикес Негрейрага пора беришда айбланган эди. Суд Негрейрага 2001-2018 йилларда "Барселона"дан 7,7 млн евро олганини жиноят деб топди.
Июль ойида "Реал" терговни 2026 йил мартигача узайтиришни сўрагани маълум бўлганди.
Marca хабарига кўра, "Барселона" президенти Жоан Лапорта, шунингдек, каталонияликларнинг собиқ мураббийлари, ҳозирда "ПСЖ" ва "Атлетик"ни бошқараётган Луис Энрике ва Эрнесто Вальверде 25 ноябрь куни судда ушбу иш бўйича гувоҳ сифатида кўрсатма беради.
Қайд этилишича, суд "Барселона"нинг собиқ президентлари Жозеп Бартомеу ва Сандро Росел, шунингдек, клубнинг собиқ директорлари Альберт Солер ва Оскар Грау ҳамда собиқ ҳакам Хавьер Эстрада Фернандес томонидан терговни узайтириш бўйича берилган апелляцияларни рад этган.
