Жанлуижи Доннарумма Луис Энрике билан муносабатлари ҳақида гапирди.
"ПСЖ" бош мураббийи янги келган Люка Шевальени асосий дарвозабонга айлантиришга қарор қилганидан кейин дарвозабон "Манчестер Сити"га ўтди.
"Мен у билан доимо ажойиб муносабатда бўлганман. Мен унинг тўғрисўзлигини қадрлардим.
Хафсалам пир бўлдими? Билмадим, ҳар бир мураббий ўзи қарор қабул қилиш ҳуқуқига эга.
Жамоадошларимнинг қўллаб-қувватлаши "ПСЖ"га нима олиб келганимни тушунишимга ёрдам берди ва бу энг муҳими. Бу футболдан ташқари қолган нарса. Футболчилар ва "ПСЖ"даги барча мени яхши кўришини биламан ва бундан фахрланаман.
Париждаги тўрт йил ажойиб давр бўлди. Мен уларни ҳеч қачон унутмайман," - деди Доннарумма.
