"Манчестер Сити"нинг собиқ футболчиси, ҳозирда Саудия Арабистонининг "Ал-Аҳли" клубида тўп тепаётган Риёд Маҳрез Хосеп Гвардиола ҳақидаги фикрлари билан ўртоқлашди.

Жазоирлик футболчи 2018-2023 йилларда испаниялик мураббий қўл остида тўп сурган, шундан сўнг "шаҳарликлар" сафини тарк этиб, Саудия Арабистонига кўчиб ўтганди.

"Гвардиолани энг яхши мураббий деб биламан, у менга янги марраларни забт этишда ёрдам берди. Одамлар унинг қанчалик яхши эканлигини тасаввур қила олмайдилар. Баъзида бизда келишмовчиликлар ва жанжаллар бўлиб турарди, лекин мен ҳар доим унинг танловига ҳурмат билан қарардим, ҳатто кўпроқ ўйнашни хоҳлаб, хафа бўлсам ҳам. У шунчаки мураббий сифатида ақл бовар қилмас, тактик жиҳатдан ақл бовар қилмас," - дея Маҳрезнинг сўзларини келтиради City Report.