Англиянинг "Арсенал" жамоаси ярим ҳимоячиси Итан Нванери "Олтин тўп"ни қайси футболчи олишга энг муносиб эканлиги ҳақидаги саволга жавоб берди.
"Олтин тўп"ни ким ютиши керак? Ламин Ямал. Нима учун? Чунки мен унинг ўйинларига асосланиб шундай хулосага келдим. Кўрганларимга кўра, у бу мукофотга лойиқдир", - дея Нванерининг сўзларини BarçaTimes келтиради.
Жорий мавсумда Испания миллий терма жамоаси ва "Барселона"нинг 18 ёшли футболчиси 3 та ўйинда 2 та гол уриб, 3 та голли узатма берган бўлса, ўтган мавсумда Ямал 55 та ўйинда 18 та гол уриб, 25 та голли узатма берган эди.
