Рио-Гранди-ду-Суллик тадбиркор ўз васиятномасида "Сантос" ҳужумчиси Неймарга мерос қолдирди, деб хабар бермоқда Terra GZH порталига таяниб. Ҳужжат 2023 йил 12 июнь куни Порт-у-Алегри шаҳридаги 9-сонли нотариал идорада икки нафар гувоҳ ва нотариус ўринбосари иштирокида расмийлаштирилган.

"Менга Неймар ёқади, мен ўзимни кўп жиҳатдан у билан боғлайман," - деди у интервьюда. У, шунингдек, соғлиғи билан боғлиқ муаммоларга дуч келганини ва футболчида бугунги кунда кам учрайдиган фазилатларни кўраётганини таъкидлади: "У худбин эмас, бу ҳозирги кунда кам учрайди."

Манбага кўра, 31 ёшли тадбиркор икки йил аввал Неймарни ўзининг меросхўри этиб тайинлаган. Мероснинг аниқ қиймати ошкор этилмаган, аммо активлар кўчмас мулк, инвестициялар ва компанияларнинг акцияларини ўз ичига олади, улар 6,1 миллиард реалга (тахминан 1 миллиард доллар) баҳоланади.

Бироқ Неймарнинг вакиллари ҳозирча мерос масаласида расмий хабарнома олмаганликларини маълум қилишган.