Италиянинг "Наполи" клуби ярим ҳимоячи Луис Хаса Б Серия вакили "Каррарезе"га ижарага кетганини эълон қилди.
Асли албаниялик бўлган 21 ёшли футболчи катталар сафидаги фаолиятини "Ювентус"нинг ўринбосарлари таркибида бошлаган.
Хаса Италия ва унинг ёшлар терма жамоаларида ўйнаш тажрибасига эга. 2023 йилда у 19 ёшдан ошмаганлар тоифасида Европа чемпиони бўлди ва бир йил олдин Италияга (18 ёшдан ошмаган ўйинчилар) Ўрта ер денгизи ўйинларининг кумуш медалини қўлга киритишга ёрдам берди.
Бу мавсумда нархи 1 миллион еврога баҳоланаётган футболчи ҳали майдонга тушгани йўқ.
