"Интер" раҳбарияти икки ёш футболчи билан қайта шартнома имзолади. Милан топ-клуби матбуот хизматининг маълум қилишича, "нерадзуррилар"нинг ёшлар жамоаларида тўп сураётган ҳимоячи Христос Алексио ва ҳужумчи Дилан Сарате янги меҳнат шартномаларига эга бўлишди.
Иккала футболчи ҳам 2029 йилнинг ярмигача мўлжалланган узоқ муддатли шартномалар имзолади.
"Интер" Италия чемпионатининг янги мавсумини ғалаба ва мағлубият билан бошлади. Ўтказилган икки турдан сўнг миланликлар уч очко билан А Серия турнир жадвалида олтинчи ўринда бормоқда. Мамлакат чемпионатининг навбатдаги баҳсида "нерадзуррилар" сафарда Туриннинг "Ювентус" клуби билан куч синашади.













