Transfermarkt портали қизиқарли рейтинг билан бўлишди. Унда Лондоннинг "Арсенал" клуби футболчиларининг йиллик маоши кўрсатилган.

Биринчи ўрин - жароҳат олган Кай Хаверцга тегишли. 2028 йилгача мўлжалланган шартнома билан немис йилига 16,9 миллион евро маош олади. Иккинчи ўринда клубнинг яна бир жароҳат олган ҳужумчиси Габриэль Жезус, 16 млн евро маош. Учинчи ва тўртинчи ўринлар Мартин Эдегор ва Деклан Райсга тегишли бўлиб, уларнинг ҳар бири йилига 14,5 млн евродан маош олади. Кучли бешликни Виктор Дьёкереш, 12 млн евро билан ёпди.

Рейтингда 19-ўринни ёзда сотиб олинган янги футболчилардан бири, ярим ҳимоячи Мартин Субименди эгаллаб турибди, у йилига атиги 4,5 миллион евро маош олади. 20-ўринни клубнинг янги дарвозабони Кепа Аррисабалага эгаллади, у ҳам 4,5 млн евро маош олади.