Қозоғистон терма жамоаси сўнгги 5 учрашувда 4 марта мағлубият аламини тотиб кўрди.

Бугун ЖЧ-2026 саралаш баҳсида Али Алиев бошчилигидаги жамоа ўз майдонида Уэльсга мағлуб бўлди (0:1).

Охирги 5 ўйинда Қозоғистон терма жамоаси фақат битта ғалабага эришди – ЖЧ саралашида Лихтенштейн термаси устидан (2:0). Қолаверса, ушбу даврда жамоа саралаш баҳсларида Уэльс (1:3) ва Шимолий Македония (0:1) терма жамоаларига мағлуб бўлди ва ўртоқлик учрашувида Беларусга (1:4) мағлуб бўлди.

7 сентябрь куни Қозоғистон терма жамоаси ЖЧ-2026 саралаши доирасида Бельгия терма жамоасига қарши сафарда майдонга тушади.

Қозоғистон ҳозирда J гуруҳида 4 та саралаш ўйинида 3 очко жамғарган ҳолда 4-ўринни эгаллаб турибди.