Аргентина терма жамоаси ҳужумчиси Лионель Месси кетишига оз қолганини яна бир бор маълум қилди. 38 ёшли футболчи бўлажак жаҳон чемпионатида катта эҳтимол билан майдонга тушмаслигини тан олди. Якуний қарор келаси йили, мундиалдан бироз олдин қабул қилинади.
"Кетиш ҳақида ўйлашга тайёр эмасман. Бу мен истаган, мен кутган нарса эмас. Аммо вақт етиб келганини биламан," - деди Месси TyC Sports’га берган интервьюсида саралаш ўйинида Венесуэла устидан қозонилган ғалабадан сўнг (3:0).
Айнан "Интер Майами" форварди Жанубий Америка саралаш турнирининг энг яхши тўпурарлари рўйхатида етакчилик қилмоқда - афсонавий футболчининг ҳисобида саккизта гол бор.
