Бразилияда мини-футбол ўйини чоғида фожиали воқеа юз берди.
Бу ҳақда маҳаллий ОАВ ёзмоқда.
Маълумотларга кўра, 34 ёшли дарвозабон пенальтидан тўпни қайтариш чоғида тўп унинг кўкрагига тегиб, вафот этган. Муваффақиятли сейвдан сўнг дарҳол спортчи байрам қилишни бошлади, лекин бирдан ҳушини йўқотиб, майдонга йиқилди.
Қайд этилишича, жабрланувчи зудлик билан Сан-Мигелдаги шифохонага етказилган, у ерда шифокорлар уни бир соат давомида жонлантиришга уринган. Афсуски, шифокорларнинг барча уринишлари бесамар кетди. Фожиа юз берган Аугусто муниципалитети маъмурияти мотам эълон қилди.
