«Интер Майами» ҳужумчиси Луис Суарес Лига кубоги финалида «Сиэтл Саундерс»га қарши ўйиндан кейин рақиб клуб ходимига тупургани учун олти ўйинга дисквалификация қилинди. Бу ҳақда ESPN Лига кубоги ташкилий қўмитасига таяниб хабар берди.
Шунингдек, «Интер Майами» ярим ҳимоячиси Серхио Бускетс рақиб футболчисини мушт билан юзига ургани учун икки ўйинга майдондан четлатилди. «Фламинго» ҳимоячиси Томас Авилес эса тажовузкор ҳаракатлари учун уч ўйинга дисквалификация олди.
Бундан ташқари, Лига кубоги ташкилий қўмитаси «Сиэтл Саундерс» мураббийлар штаби вакили Стивен Ленхартга ҳам қўшимча санкция қўллади — у беш ўйинга дисквалификация қилинди.













