Испаниянинг "Хетафе" клуби Англиянинг "Халл Сити" клуби билан Абу Камарани ижарага олиш бўйича келишувга эришди. Жамоа расмий сайти хабарига кўра, Англия U20 терма жамоасида (2 та ўйин) ўйнаган футболчи мавсумнинг қолган қисмини Испанияда ўтказади.
"Норвич" тарбияланувчиси бўлган ва Африканинг Серра-Леоне давлатида туғилган 22 ёшли ўнг қанот ҳимоячиси "Портсмут"да ҳам ўйнаган. Ушбу клуб таркибида Камара Англиянинг учинчи дивизиони ғолиби бўлди.
Ўтган мавсумда у клуб миқёсида 40 та ўйинда майдонга тушиб, 6 та гол урди ва 4 та голли узатмани амалга оширди. Transfermarkt портали Камаранинг нархини 4 миллион еврога баҳоламоқда.
