Англия терма жамоаси бош мураббийи Томас Тухель "Милан" ярим ҳимоячиси Рубен Лофтус-Чикни мақтади.
Германиялик мураббий 29 ёшли хавбекни миллий жамоага қайтарди. Андоррага қарши бўлажак учрашувда футболчи "уч шерлар" сафида 2018 йилдан буён илк ўйинини ўтказиши мумкин.
"У билан ишлаш ҳар доим ёқимли. Рубен - ажойиб йигит, дўстона, хушмуомала, ҳазилкаш ва у зўр ўйнайди. Баъзида у қанчалик яхши эканлигини, қанчалик яхши бўлиши мумкинлигини ўзи англай олишига ишончим комил эмас. У ярим ҳимоя марказидан асосий таркиб учун курашади," - деди Тухель матбуот анжуманида.
