"Барселона" ҳужумчиси Ламин Ямал Испания чемпионатининг навбатдаги турида "Валенсия"га қарши ўйинни ўтказиб юбориши мумкин. Бу ҳақда Mundo Deportivo нашри хабар бермоқда.
Таъкидланишича, 18 ёшли футболчи бел қисмида ноқулайликни ҳис қилишда давом этмоқда, шунинг учун унинг "Валенсия"га қарши навбатдаги ўйинда майдонга тушиши сўроқ остида қолмоқда.
Ямал ЖЧ-2026 саралаши 1-туридан ўрин олган Болгарияга қарши ўйинда (3:0) жароҳат олганди. Вингер битта голли узатмани амалга оширди ва 79-дақиқада захирага олинди.
"Барселона" ва "Валенсия" учрашуви 14 сентябрь куни бўлиб ўтади.













