"Бавария" бошқарув аъзоси Ули Хёнесс ҳужумчи Николас Жексоннинг трансфер шартларини ошкор қилди. Ёзги ойна ёпилишидан олдин мюнхенликлар Жексонни "Челси"дан маълум шартлар асосида сотиб олиш опцияси билан ижарага олишди.
Miasanrot хабарига кўра, Хёнесс якшанба куни тадбирга ташриф буюриб, Жексоннинг ижараси "Бавария"га 13,5 миллион еврога тушганини маълум қилган. Яна 3 миллионни Николас ўз чўнтагидан тўлашга рози бўлди.
Мажбурий сотиб олиш опциясини фаоллаштириш эҳтимоли юқори эмас, чунки бунинг учун Жексон 40 та ўйин ўтказиши керак.
"У ҳеч қачон бундай қилмайди", - дея ҳазиллашди Хёнесс.
Бундеслиганинг ўтган икки турида "Бавария" 6 очко жамғарди.
