"Ливерпуль" марказий ҳимоячиси Ибраима Конате ёзда "Реал"га ўтишга яқин эди, аммо трансфер амалга ошмади. Французнинг айтишича, "қаймоқранглилар" ҳужумчиси Килиан Мбаппе ҳамон унинг трансферига қизиқиш билдирмоқда.
"Мбаппе менга босим ўтказяптими? Ҳа, у менга ҳар икки соатда қўнғироқ қилади," - деди ҳимоячи Telefoot’га берган интервьюсида.
Конате ўтган мавсум мерсисайдликлар сафида 42 та ўйинда майдонга тушиб, 2 та гол урди ва 2 та голли узатмани амалга оширди. 26 ёшли футболчининг "Ливерпуль" билан амалдаги келишуви келаси йил ёзигача мўлжалланган. Transfermarkt портали ҳимоячини 60 млн еврога баҳоламоқда.
