Лондоннинг "Арсенал" клуби билан шартномаси узайтирилмаганидан кейин эркин агентга айланган япониялик ҳимоячи Такэхиро Томиясу фаолиятини Испанияда давом эттириш вариантларини кўриб чиқиши мумкин. Бу ҳақда Mundo Deportivo хабар бермоқда.
Манбага кўра, 28 ёшли футболчининг хизматларига "Реал Овьедо" ва "Реал Сосьедад" клублари қизиқиш билдирмоқда. Икки жамоа ҳам мудофаа марказида ўйнай оладиган японияликнинг универсаллигини жуда юқори баҳолайди.
Ўтган мавсумда футболчи атиги 1 та ўйинда майдонга тушган. Тиззасидаги жароҳат сабаб у жуда кўп вақтини лазаретда ўтказиб юборди. Бозор қиймати 15 миллион еврога баҳоланаётган Томиясу октябрь ойининг бошига қадар майдонга тушишга тайёр бўлиши кутилмоқда.
