Жаҳон чемпионати–2026 Европа саралаши 6-туридан ўрин олган Хорватия — Черногория учрашуви якунига етди. Беллашув Загреб шаҳридаги «Максимир» стадионида бўлиб ўтди. Майдон эгалари 4:0 ҳисобида ишончли ғалаба қозонди.

35-дақиқада яримҳимоячи Кристиян Якич ҳисобни очди. Унга пасни Лука Модрич узатди. 42-дақиқада Черногория футболчиси Андрия Булатович иккинчи сариқ карточка олиб, майдонни тарк этди.

51-дақиқада Андрей Крамарич ҳисобни оширди. 85-дақиқада эса меҳмонлар ҳимоячиси Никола Шипчич тўпни ўз дарвозасига йўллади. 90+2-дақиқада Иван Перишич якуний ҳисобни ўрнатди.

Гуруҳ “L” жадвалида Хорватия 4 ўйиндан кейин 12 очко билан пешқадам. Чехия ҳам 12 очкога эга, аммо 5 учрашув ўтказган. Черногория эса 5 ўйинда 6 очко билан 4-ўринда жойлашган.

ЖЧ–2026. Европа. “L” гуруҳи. 6-тур
2025 йил 8 сентябрь, душанба. 23:45
Хорватия — Черногория — 4:0
Голлар: 1:0 — Якич (35’), 2:0 — Крамарич (51’), 3:0 — Шипчич (ўз дарвозасига, 85’), 4:0 — Перишич (90+2’)
Четлатиш: Булатович (42’)