Лионель Месси Аргентина терма жамоасининг Эквадорга қарши бўлажак ўйинида майдонга тушмайди.
Ўтган сафар Венесуэлага қарши кечган баҳсда 38 ёшли форвард дубль қайд этиб, маҳаллий томошабинлар билан хайрлашди - бу афсона учун "альбиселесте"нинг Аргентинадаги сўнгги расмий ўйини бўлди. Лео Эквадор билан ўйинга бормади - мураббий ёши катта юлдузга дам беришга қарор қилди. Журналист Леандро Алвеснинг маълум қилишича, Мессининг рақамини Мадриднинг "Атлетико" клуби вакили Тьяго Альмада олади.
Альмада Аргентина терма жамоаси сафида 11 та ўйинда 4 та гол ва 2 та голли узатмани амалга оширган.
