Лондоннинг "Тоттенхэм" клуби франциялик ҳужумчиси Матис Тель Чемпионлар лигасининг навбатдаги мавсуми учун жамоа қайдномасидан ўрин олмагани ҳақида фикр билдирди.
"Томас Франк менга қўнғироқ қилди, у жуда хушмуомала эди ва шунчаки ўз қарорини айтди... Мен Чемпионлар Лигаси қайдномасидан ўрин олмадим. Албатта, менга алам қилади, лекин мен ижобий кайфиятни сақлашга ҳаракат қиламан. Мен "Тоттенхэм" футболчисиман ва ўйнаш учун қўлимдан келганини қиламан," - деди у Le Telegramme’га берган интервьюсида.
"Тоттенхэм" 20 ёшли Телни ёзги трансферлар вақтида "Бавария"дан 35 миллион евро эвазига сотиб олди.
