"Барселона"нинг 18 ёшли марказий ярим ҳимоячиси Марк Берналь Испания чемпионатида "Валенсия"га қарши бўлиб ўтадиган ўйинда жамоа қайдномасидан ўрин олиши мумкин. Бу ҳақда Barca Universal хабар бермоқда.
Манбага кўра, футболчи "кўршапалаклар" билан ўйинда иштирок этиш учун тиббий рухсатнома олиши керак. У тиззасининг олдинги хочсимон боғлами йиртилгани сабабли 2024 йил август ойидан бери майдонга тушмаган.
Футбол бўйича Испания Ла Лигасининг 4-туридан ўрин олган "Барселона" - "Валенсия" учрашуви 14 сентябрь, якшанба куни бўлиб ўтади.













