"Barselona"ning 18 yoshli markaziy yarim himoyachisi Mark Bernal Ispaniya chempionatida "Valensiya"ga qarshi bo‘lib o‘tadigan o‘yinda jamoa qaydnomasidan o‘rin olishi mumkin. Bu haqda Barca Universal xabar bermoqda.
Manbaga ko‘ra, futbolchi "ko‘rshapalaklar" bilan o‘yinda ishtirok etish uchun tibbiy ruxsatnoma olishi kerak. U tizzasining oldingi xochsimon bog‘lami yirtilgani sababli 2024 yil avgust oyidan beri maydonga tushmagan.
Futbol bo‘yicha Ispaniya La Ligasining 4-turidan o‘rin olgan "Barselona" - "Valensiya" uchrashuvi 14 sentyabr, yakshanba kuni bo‘lib o‘tadi.













