Қозонда бўлиб ўтаётган бутунжаҳон Универсиада мусобақаларида навбатдаги медални Ўзбекистон терма жамоаси ҳисобига белбоғли кураш устаси Замира Аҳмедова олиб келди.
52 кг.гача бўлган вазн тоифасида гиламга чиққан Замира чорак финалда латвиялик рақибаси Каралина Тяпкони мағлубиятга учратганди. Бироқ ярим финалда туркманистонлик Гулбадам Бобомуротовага имкониятни бой бериб қўйди. Бронза медали учун кечган курашда эса Замира россиялик Алана Лазаровани мағлуб этди ва бронза медали билан тақдирланди.
Эслатиб ўтамиз, ҳозирча ўтган уч кунлик мусобақалардан кейин Ўзбекистон универсиада терма жамоаси ҳисобида битта кумуш ва тўртта бронза медаллари мавжуд. Медал сифати бўйича вакилларимиз 27-ўринда, медаллар сони бўйича эса 11-ўринда боришмоқда. 9 июнь кунги баҳсларда яна бир қатор спортчиларимиз медаллар учун курашни давом эттиришади.