"Севилья" президенти Хосе Мария дель Нидо Карраско 10 сентябрь, чоршанба куни бўлиб ўтган Батиста Менди ва Фабио Кардозо тақдимотида клубнинг иқтисодий аҳволи ҳақида гапирди.
"Клубнинг иқтисодий аҳволи яхшиланмоқда, соф қарзимиз 66 миллион еврога тушди. Еттита ўйинчи кетди ва бештаси келди. Янги футболчиларни ўз сафига қўшиб олишда ёрдам бериш учун шартномаларини ўзгартиришга қарор қилган уч футболчи - Жибрил Соу, Аднан Янузай ва Маркога омма олдида ҳурмат бажо келтирмоқчиман.
2025 йил 1 сентябрь ҳолатига кўра, қарз миқдори 66 миллион еврони ташкил этади. Бу бизга клуб тўлов қобилиятига эга эканлигини таъкидлаш имконини беради," - дея Каррасконинг сўзларини келтиради СевиллаВА.
Шунингдек, президент "Севилья" кетма-кет икки мавсум еврокубокларда иштирок этмаганини, бу эса молиявий аҳволга путур етказганини эслатди.
Икки йил олдин "Севилья"нинг соф қарзи 200 миллион евродан ошганди.
