"Манчестер Юнайтед"нинг собиқ форварди, ҳозирда Грециянинг АЕК клуби аъзоси Антони Марсьяль океан ортига йўл олиши мумкин. Бу ҳақда инсайдер Сесар Луис Мерло ижтимоий тармоқлар орқали хабар бермоқда.
Журналистнинг ёзишича, франциялик ҳужумчида Мексика чемпионатида ўйнаш варианти бор. Марсьяль билан шартнома имзолашга "Пумас" клуби қизиқиш билдирмоқда. Мексика клуби трансфер ойнаси ёпилгунга қадар келишувни расмийлаштиришга улгурмоқчи. Греция томони эса французни ижарага беришга тайёр.
Эслатиб ўтамиз, Мексикада ёзги трансферлар ойнаси 12 сентябрь, жума куни ёпилади.
