"Барселона" ҳимоячиси Эрик Гарсия жамоанинг жорий мавсумдаги мақсадлари ҳақидаги саволга жавоб берди.
"Бу мавсумдаги мақсадимиз - барчасини ютиш. Биз ўтган йили бўлгани каби Чемпионлар лигасида ғолиб чиқиш учун курашмоқчимиз. Аммо энди рақиблар бизни яхшироқ билишади, қандай ўйнашимизни тушунишади ва ўйлайманки, бу биз учун янги чақирув бўлади," - дея Гарсиянинг сўзларини келтиради Barca Times.
Эслатиб ўтамиз, 2024/25 йилги мавсумда "Барселона" Испания чемпиони бўлди, шунингдек, мамлакат кубоги ва Суперкубогини қўлга киритишга муваффақ бўлди. Чемпионлар лигасида каталонияликлар ярим финал босқичида мусобақани тарк этишди.
