Яқинда Жанубий Америкада 2026 йилги жаҳон чемпионати саралаш босқичи якунланди.
Аргентина, Эквадор, Колумбия, Уругвай, Бразилия ва Парагвай терма жамоалари мундиалга тўғридан-тўғри йўлланмани қўлга киритди, Боливия эса қитъалараро ўйинларда иштирок этади.
Sofascore статистик портали ҳисоб-китобларига кўра, саралаш турнирининг энг яхши футболчиси ўртача 7,98 балл билан Лионель Месси бўлди. Эслатиб ўтамиз, айнан 38 ёшли аргентиналик тўпурарлар пойгасида ғалаба қозонган эди.
Ўртача балл бўйича энг яхшилар рўйхатида иккинчи ўринни колумбиялик Хамес Родригес (7,66), учинчи ўринни бразилиялик Рафинья Диас (7,40) эгаллади. Кейинги ўринларни Энцо Фернандес, Родриго де Пауль (иккаласи - Аргентина), Мигелито, Рамиро Вака (иккаласи - Боливия), Луис Диас (Колумбия), Габриэль дос Сантос (Бразилия) ва Пьеро Инкапье (Эквадор) эгаллади.
