"Ноттингем" ҳужумчиси Жота Силва фаолиятини "Бешиктош"да давом эттиради, дея хабар бермоқда инсайдер Фабрицио Романо.
Манбанинг таъкидлашича, 26 ёшли футболчи Туркия жамоасига ижара асосида ўтади. Битим 3 миллион еврони ташкил этади ва 17 миллион еврога сотиб олиш имкониятини ўз ичига олади, бу эса мажбурий бўлиши мумкин.
Силва 2024 йилнинг ёзида "Ноттингем" футболчисига айланганди. 2024/25 йилги мавсумда у барча мусобақаларда 38 та ўйинда майдонга тушиб, 5 та гол урди ва 3 та голли узатмани амалга оширди. Бу мавсумда форвард АПЛнинг бир ўйинида иштирок этди.
Силванинг инглиз клуби билан шартномаси 2028 йилнинг 30 июнига қадар мўлжалланган.
