"Nottingem" hujumchisi Jota Silva faoliyatini "Beshiktosh"da davom ettiradi, deya xabar bermoqda insayder Fabrisio Romano.

Manbaning ta’kidlashicha, 26 yoshli futbolchi Turkiya jamoasiga ijara asosida o‘tadi. Bitim 3 million yevroni tashkil etadi va 17 million yevroga sotib olish imkoniyatini o‘z ichiga oladi, bu esa majburiy bo‘lishi mumkin.

Silva 2024 yilning yozida "Nottingem" futbolchisiga aylangandi. 2024/25 yilgi mavsumda u barcha musobaqalarda 38 ta o‘yinda maydonga tushib, 5 ta gol urdi va 3 ta golli uzatmani amalga oshirdi. Bu mavsumda forvard APLning bir o‘yinida ishtirok etdi.

Silvaning ingliz klubi bilan shartnomasi 2028 yilning 30 iyuniga qadar mo‘ljallangan.