«Манчестер Юнайтед» ҳали ҳам «Астон Вилла» дарвозабони Эмилиано Мартинесни сотиб олиш ғоясига қайтиши мумкин.
“Қизил иблислар” ёзги трансфер ойнасида аргентиналик футболчи билан келишувга эришди, аммо якунда "Антверпен"дан 23 ёшли Сенне Ламменсни олиб келишга қарор қилди.
Таниқли журналист Бен Жейкобснинг сўзларига кўра, "Манчестер Юнайтед" агар жамоага ҳали ҳам тажрибали дарвозабон керак деб қарор қилса, январь ойида Мартинесни сотиб олиш имкониятини кўриб чиқиши мумкин.
Яна бир эҳтимолий вариант Майк Меньян бўлиб, унинг "Милан" билан шартномаси келаси ёзда тугайди.













