"Манчестер Сити"нинг янги аъзоси Жанлуижи Доннарумма янги жамоасида машғулотларга киришди. Италиялик дарвозабон "шаҳарликлар" билан биргаликда "Манчестер Юнайтед"га қарши бўлажак принципиал дербига тайёргарлик кўрмоқда.
Эслатиб ўтамиз, Жанлуижи ёзги трансфер ойнасида Франциянинг "ПСЖ" клубидан Хосеп Гвардиола жамоасига ўтган эди. Келишув "Манчестер Сити"га 30 миллион еврога тушган. Италиялик футболчи "шаҳарликлар" билан 2030 йил июнь ойи охиригача мўлжалланган узоқ муддатли меҳнат шартномасини имзолаган.
"Манчестер Сити" - "Манчестер Юнайтед" дербиси 14 сентябрь, якшанба куни бўлиб ўтади.













