"Вильярреал" президенти Ла Лига доирасидаги ўйинни АҚШда ўтказишдан ҳеч қандай ёмонликни кўрмаяпти.
Аввалроқ, Ла Лига "Вильярреал" - "Барселона" ўйинини Майамида ўтказишни режалаштираётгани ҳақида хабар берилганди.
"Биз бу ҳеч ким учун ёмон эмас деб ҳисоблаймиз - зарар кўриши мумкин бўлган мухлисларимиз бундан мустасно, аммо биз бу зарарни бартараф этмоқдамиз. Бунинг учун биз пул олмаймиз. Ҳосил бўлган маблағлар мухлисларга компенсация сифатида - бепул ташриф буюриш ёки абонемент пулини қайтариш учун ишлатилади.
Ла Лига бизга буни таклиф қилди ва биз буни қўллаб-қувватладик, чунки бу мусобақа учун ҳам, "Вильярреал" учун ҳам қўшимча эшикларни очади. Биз учун Шимолий Америка бозорига чиқиш муҳим. Бизда 20 та академия бор," - деди "Вильярреал" президенти Фернандо Роч Mundo Deportivo нашрига берган интервьюсида.
