"Vilyarreal" prezidenti La Liga doirasidagi o‘yinni AQSHda o‘tkazishdan hech qanday yomonlikni ko‘rmayapti.

Avvalroq, La Liga "Vilyarreal" - "Barselona" o‘yinini Mayamida o‘tkazishni rejalashtirayotgani haqida xabar berilgandi.

"Biz bu hech kim uchun yomon emas deb hisoblaymiz - zarar ko‘rishi mumkin bo‘lgan muxlislarimiz bundan mustasno, ammo biz bu zararni bartaraf etmoqdamiz. Buning uchun biz pul olmaymiz. Hosil bo‘lgan mablag‘lar muxlislarga kompensasiya sifatida - bepul tashrif buyurish yoki abonement pulini qaytarish uchun ishlatiladi.

La Liga bizga buni taklif qildi va biz buni qo‘llab-quvvatladik, chunki bu musobaqa uchun ham, "Vilyarreal" uchun ham qo‘shimcha eshiklarni ochadi. Biz uchun Shimoliy Amerika bozoriga chiqish muhim. Bizda 20 ta akademiya bor," - dedi "Vilyarreal" prezidenti Fernando Roch Mundo Deportivo nashriga bergan intervyusida.