УЕФА "Барселона"нинг бош мураббий Ханс-Дитер Флик ва унинг ёрдамчиси Маркус Зоргга нисбатан қўлланилган санкциялар бўйича апелляциясини қисман қаноатлантирди.

Бу ҳақда Mundo Deportivo нашри хабар бермоқда. Ҳар иккала мутахассис ҳам 18 сентябрь куни бўлиб ўтадиган "Ньюкасл"га қарши Чемпионлар лигаси ўйинида одатдаги жойида иштирок этиши мумкин бўлади. Дастлаб улар қитъанинг асосий клуб мусобақаси регламентида белгиланган умумий тамойиллар ва асосий хулқ-атвор қоидаларини бузганликлари учун четлатилган эди.

Эслатиб ўтамиз, Флик ва Зорг бир йил давомида УEФА назоратида бўлади. Қоидабузарликлар такрорланса, жазо қайтарилади.