"Барселона" футболчиси Ламин Ямал Чемпионлар лигаси ғолиблиги учун курашда жамоасининг асосий рақобатчиларини санаб ўтди.
Энг нуфузли еврокубокнинг ўтган мавсумида "кўк-анорранглилар" ярим финалга қадар етиб бориб, Миланнинг "Интер" клубига имкониятни бой бериб қўйган эди. Финалда "нерадзуррилар" "ПСЖ"га йирик ҳисобда мағлуб бўлди - 0:5.
"Чемпионлар Лигасидаги асосий рақобатчиларимиз? "Манчестер Сити", "Ливерпуль", "Реал", "Бавария" ва "ПСЖ". Улар ҳар доим ғолибликка даъвогарлар қаторида," - деди Ламин Ямал "Mundo Deportivo" нашрига берган интервьюсида.













