"Манчестер Юнайтед" ҳужумчиси Жошуа Зиркзее "Ювентус"нинг эҳтимолий трансфер мақсади ҳисобланади. "Кекса синьора" келаси йилнинг ёзида шартномаси тугайдиган Душан Влаховични қўлдан чиқариши мумкин ва клуб раҳбарияти аллақачон унинг ўрнини тўлдириш вариантларини кўриб чиқмоқда. Tuttosport хабарига кўра, туринликлар шорт-листида айни дамда Англияга кетишидан олдин "Болонья" сафида муваффақиятли тўп тепган Зиркзе етакчилик қилмоқда.

Transfermarkt портали экспертлари нидерландиялик футболчининг нархини 30 млн еврога баҳоламоқда. 24 ёшли форварднинг "қизил иблислар" билан амалдаги меҳнат шартномаси 2029 йилга қадар мўлжалланган бўлиб, уни яна бир мавсумга узайтириш имконияти мавжуд.