Мадриднинг «Реал» клуби Ла Лиганинг 4-турида «Реал Сосьедад»ни 2:1 ҳисобида мағлуб этди, аммо учрашув ҳакамларининг иши клуб телеканалида қаттиқ танқид остига олинди.
32-дақиқада «қаймоқранглилар» ҳимоячиси Дин Хёйсен рақибнинг хавфли қарши ҳужумини тўхтатиб, Микел Ойарсабални йиқитди ва тўғридан-тўғри қизил карточка олди. Учрашувни Хесус Хиль Мансано бошқарди, ВАРда эса Хорхе Фигероа Васкес ишлади.
"Бу мусобақа учун шармандалик. Бу шахсларга "Реал" ўйинларини бошқаришни тақиқлаш адолатдан бўларди. Уларни ҳатто ҳакам деб ҳам бўлмайди: улар адолатни таъминламайди, улар бошқа нарса қилишади", - деди "Реал" клуби телевидениеси бошловчиси.
