"Челси" ярим ҳимоячиси Мойсес Кайседо АПЛ 4-туридан ўрин олган "Брентфорд"га (2:2) қарши ўйинни сарҳисоб қилди.

"Мен гол урганимдан хурсандман, чунки жамоамга ёрдам бермоқчи эдим, бироқ натижадан кўнглимиз тўлмади. "Брентфорд" ўз услубида ўйнаб, жарима майдонига қанотлардан узатмалар беришдан фойдаланди ва бу баъзида қийинчилик туғдиради. Ҳисобни тенглаштириш осон бўлмади, аммо жамоамиз рақиб голидан сўнг яхши ҳаракат қилди. Биз ҳисобни тенглаштирганимиздан мамнунмиз, лекин умумий натижа биз кутгандек бўлмади," - дея Кайседонинг сўзларини келтиради Sky Sports.