"Интер Майами" ҳужумчиси Лионель Месси "Шарлотт"га қарши ўйинни яхши ўтказа олмади (0:3).
38 ёшли футболчи пенальтини аниқ амалга ошириши мумкин эди, бироқ дарвозабон унинг "паненка" усулидаги зарбасини бартараф этди. Умуман олганда, Месси ўйин давомида иккита аниқ зарба берди (тўртта уринишда) ва тўққизта дуэлда фақат иккитасида ғалаба қозонди. WhoScored портали аргентиналик юлдузнинг ўйинини атиги 6 балл билан баҳолаган - бу жорий MLS мавсумида ўйинчи учун энг ёмон кўрсаткич.
Айнан Лионел Месси чемпионатда ўртача 8,2 балл билан пешқадамлик қилмоқда. Ҳужумчининг ҳисобида 20 та ўйинда 19 та гол ва 8 та голли узатма бор.
