Мадриднинг "Реал" клуби бош мураббийи Хаби Алонсо "Реал Сосьедад"га қарши ўйинда марказий ҳимоячи Дин Хёйсенни майдондан четлатилгани ҳақида фикр билдирди.
"Қаймоқранглилар" 32-дақиқада 10 киши бўлиб қолди - 20 ёшли испаниялик футболчи тўғридан-тўғри қизил карточка олди. Мадридликлар мураббийи норозилик билдирди ва спортга хос бўлмаган хатти-ҳаракатлари учун огоҳлантириш билан жазоланди.
"Хёйсенга кўрсатилган қизил карточка мени жуда ҳайратда қолдирди. Тўп сакради, Милитао ёнма-ён югураётганди, дарвозагача 40 метр бор эди. Мен ҳали ҳам бу қарорни тушунмаяпман," - дея Алонсонинг ўйиндан кейинги интервьюсидан иқтибос келтиради Madrid Universal.
