Madridning "Real" klubi bosh murabbiyi Xabi Alonso "Real Sosyedad"ga qarshi o‘yinda markaziy himoyachi Din Xyoysenni maydondan chetlatilgani haqida fikr bildirdi.
"Qaymoqranglilar" 32-daqiqada 10 kishi bo‘lib qoldi - 20 yoshli ispaniyalik futbolchi to‘g‘ridan-to‘g‘ri qizil kartochka oldi. Madridliklar murabbiyi norozilik bildirdi va sportga xos bo‘lmagan xatti-harakatlari uchun ogohlantirish bilan jazolandi.
"Xyoysenga ko‘rsatilgan qizil kartochka meni juda hayratda qoldirdi. To‘p sakradi, Militao yonma-yon yugurayotgandi, darvozagacha 40 metr bor edi. Men hali ham bu qarorni tushunmayapman," - deya Alonsoning o‘yindan keyingi intervyusidan iqtibos keltiradi Madrid Universal.













