Мадриднинг "Реал" клуби форварди Килиан Мбаппе Ла Лига 4-туридан ўрин олган "Реал Сосьедад"га (2:1) қарши ўйиндан олган таассуротлари билан ўртоқлашди.
Ҳужумчининг сўзларига кўра, жамоа қийин ўйинни кутган ва учрашув ҳақиқатан ҳам қизил карточкадан сўнг синовга айланган, аммо "қаймоқранглилар" характер кўрсатиб, ўйинни ғалабагача етказишга муваффақ бўлган.
- Ўйин осон бўлмаслигини билардик, аммо стартни зўр бошладик. Четлатишдан кейин вазият мураккаблашди, аммо биз чекинмадик, ўз футболимизни давом эттириб, иккинчи голни уришга муваффақ бўлдик. Иккинчи бўлим оғирроқ ўтди, рақиб пенальтини голга айлантирди, аммо биз бирдам бўлиб, охиригача курашдик. Мадридга уч очко ва Ла Лига пешқадами бўлиб қайтмоқдамиз," - дея французнинг сўзларини келтиради клуб матбуот хизмати.
