"Милан" футболчиси Лука Модрич жамоадаги илк голини урди. Италия чемпионати доирасидаги "Болонья"га қарши баҳсда хорватиялик футболчи 61-дақиқада гол уриб, "россонерилар"ни ҳисобда олдинга олиб чиқди. Opta хабарига кўра, Модрич рекордни забт этди: у ярим ҳимоячилар ўртасида А Серия тарихида гол урган энг ёши катта футболчига айланди - 40 ёш-у 5 кун. "Реал"нинг собиқ ярим ҳимоячиси 1961 йилда 38 ёшу 169 кунлигида худди шу "Милан"да гол урган Нилс Лидхольмни ортда қолдирди.
Лука Модрич жорий йилнинг ёзида "Реал"дан эркин агент сифатида миланликлар сафига қўшилди. Футболчи 2026 йилнинг ярмигача мўлжалланган шартнома имзолаган.
