"Аталанта" марказий ҳимоячиси Жоржио Скальвини ўтган ёзда Англияга кўчиб ўтиши мумкин эди.
"Ньюкасл" футболчини ўз сафига қўшиб олишга уриниб кўрди ва унинг учун 40 миллион евро таклиф қилди, дея хабар беради журналист Николо Скира.
Бергамоликлар бу таклифни рад этишди - улар 21 ёшли футболчини дахлсиз деб билишади. Истиқболли италияликни Европа футболи гигантлари кузатишда давом этмоқда.
Transfermarkt портали экспертлари Жоржио Скальвинининг нархини 35 миллион еврога баҳоламоқда.
Марказий ҳимоячининг "Аталанта" билан шартномаси 2028 йилнинг ўрталарига қадар амал қилади.
