"Atalanta" markaziy himoyachisi Jorjio Skalvini o‘tgan yozda Angliyaga ko‘chib o‘tishi mumkin edi.
"Nyukasl" futbolchini o‘z safiga qo‘shib olishga urinib ko‘rdi va uning uchun 40 million yevro taklif qildi, deya xabar beradi jurnalist Nikolo Skira.
Bergamoliklar bu taklifni rad etishdi - ular 21 yoshli futbolchini daxlsiz deb bilishadi. Istiqbolli italiyalikni Yevropa futboli gigantlari kuzatishda davom etmoqda.
Transfermarkt portali ekspertlari Jorjio Skalvinining narxini 35 million yevroga baholamoqda.
Markaziy himoyachining "Atalanta" bilan shartnomasi 2028 yilning o‘rtalariga qadar amal qiladi.
