Opta суперкомпьютери АПЛ мавсуми якунлари бўйича прогнозни янгилади.
Тўрт турдан кейин "Ливерпуль" 12 очко билан мусобақа жадвалини бошқариб турибди. Кейинги ўринларни "Арсенал", "Тоттенхэм" ва "Борнмут" эгаллаб турибди - 9 очкодан. "Челси" 8 очко билан кучли бешликни якунлаб берди.
"Ливерпуль" 52,93% эҳтимоллик билан Opta версияси бўйича чемпионлик учун мутлақ фаворит ҳисобланади. Иккинчи ўринда "Арсенал" (25,79 фоиз), учинчи ўринда "Ман Сити" (7,4 фоиз), тўртинчи ўринда "Челси" (7,31 фоиз) бормоқда. Қолган жамоаларнинг имконияти 2% дан кам.
"МЮ"нинг чемпион бўлиш эҳтимоли - 0,13%. 4 ўйинда 4 очко жамғарган Рубен Аморим жамоаси АПЛ жадвалида ҳам, Opta рейтингида ҳам 14-ўринда бормоқда.
"Юнайтед"нинг қуйи лигага тушиб кетиши 11,84 фоиз деб баҳоланмоқда, бу чемпионликдан 91 баробар кўпроқ.
