Элит ОЧЛ 1-турида "Насаф" "Ал-Аҳли"га сафарда мағлуб бўлди - 2:4.
Биринчи бўлимда Ҳусайн Норчаев икки бор гол уриб, таймда вакилларимизнинг ғалабасини таъминлаган эди.
Иккинчи бўлимнинг 65-дақиқасида дарвозабонимиз Абдувоҳид Неъматовнинг тўпга чиқишдаги қўпол хатосидан сўнг Энцо Мийо ҳисобдаги фарқни қисқартирди. 68-дақиқада яна ўша Мийо жарима майдони ичидаги парокандаликдан фойдаланиб кетди - 2:2. 90+4-дақиқада Риёд Маҳрез ўнг қанотдан жарима майдони ичига ёриб кирди ва дарвозани аниқ нишонга олди. 90+15-дақиқада Муҳаммад Сулаймон бурчак зарбасидан амалга оширилган комбинациядан сўнг якуний ҳисобни ўрнатди - 4:2.
"Насаф" иккинчи турда "Ал-Ҳилол"ни қабул қилади (29 сентябрь). "Ал-Аҳли" "Ал-Дуҳайл" майдонига сафар қилади.
Элит ОЧЛ, 1-тур
"Ал Аҳли" (Саудия Арабистони) – "Насаф" (Ўзбекистон) 4:2
15 сентябрь. 23:15, «King Abdullah Sports City»
Голлар: 0:1 – 34, Ҳусайн Норчаев (Мурод Раҳматов), 0:2 – 41, Ҳусайн Норчаев (Ойбек Бозоров), 1:2 – 65, Энзо Мийо, 2:2 – 68, Энзо Мийо, 3:2 – 90+4, Рияд Маҳрез (Маттео Дамс), 4:2 – 90+15, Муҳаммад Сулаймон (Абу Ал Шамат)
"Ал Аҳли": 16.Эдуар Менди, 9.Ал Бурайкан (5.Муҳаммад Сулаймон, 46), 30.Ал Жоҳани (47.Абу Ал Шамат, 62), 32.Маттео Дамс, 28.Мериҳ Демирал (20.Матэус Гоншалвеш, 46), 3.Рожер Ибаньес, 8.Рияд Маҳрез, 27.Мажраши (6.Валентен Атангана, 62), 79.Франк Кесси, 10.Энзо Мийо (29.Муҳаммад Абдулраҳмон, 84), 17.Айвен Тони.
Захира: 1.Ал Санби, 62.Абдо, 88.Ал Ҳайбри, 95.Фаллата, 46.Ҳамиду
"Насаф": 35.Абдувоҳид Неъматов, 2.Алибек Давронов, 5.Ғолиб Ғайбуллаев, 6.Мурод Раҳматов (10.Драган Черан, 65), 18.Ҳусайн Норчаев (20.Юсуф Отубанжо, 84), 19.Стефан Чолович (8.Зафармурод Абдираҳматов, 65), 22.Игор Голбан, 24.Сардор Баҳромов, 34.Шерзод Насруллаев, 77.Ойбек Бозоров (14.Шароф Муҳитдинов, 75), 92.Умар Эшмуродов (9.Жавоҳир Сидиқов, 84)
Захира: 1.Олександр Воробей, 17.Суҳроб Нуруллоев, 28.Шуҳрат Муҳаммадиев, 33.Баҳодир Халилов, 55.Диёр Абдуназаров, 71.Жавоҳир Убайдуллаев, 82.Асилбек Нўмонов.
Огоҳлантиришлар: Сардор Баҳромов (47), Рожер Ибаньес (48), Зафармурод Абдураҳматов (54), Энзо Миллот (63)
Четлатиш: Алибек Давронов (90+13)
