Лондоннинг "Арсенал" клуби бош мураббийи Микель Артета жамоасининг марказий ҳужумчиси Виктор Дьёкереш ва унинг ротацияси ҳақида гапирди.
"Кўрамиз. "Форест"га қарши ўйин охирида Мерино тўққизлик позициясида ўйнади. Бизда Лео (Троссард) бор, у ерда ўйнай олади, бизда бошқа вариантлар ва бунга мослаштиришимиз мумкин бўлган бошқа схемалар мавжуд. Ҳозир Виктор жуда яхши ўйнамоқда, шунинг учун мен жуда мамнунман", - дея Артетанинг сўзларини келтиради "канонирлар" матбуот хизмати.
Дьёкереш АПЛнинг 4 турида 3 та гол уришга муваффақ бўлди. Швед иккинчи турда икки марта "Лидс" дарвозасини ишғол қилди, тўртинчи турда "Ноттингем Форест" дарвозасига битта гол урди.
