Чемпионлар лигасининг сешанба кунги дастлабки ўйинларидан бирида "Атлетик" ва "Арсенал" ўзаро баҳс олиб бормоқда. Биринчи бўлим давомида Лондон жамоасининг икки футболчиси - Габриэль ва Виктор Дьёкереш рақиб жарима майдонида тўқнашиб кетди. Ҳимоячи жароҳат олмади, ҳужумчи эса энсасидан анча жиддий жароҳат олди.
Шундан сўнг, Дьёкерешга ёрдам бериш учун "Арсенал" шифокорлари майдонга тушди. Улар қон кетишини тўхтатиш ва форварднинг бошини боғлаш учун бир неча дақиқа сарфлади. Виктор ҳозирча ўйинни давом эттирмоқда.













